| 個人檔案Gogog^o^..我愛 因為神先愛我相片部落格清單 |  工具  說明 |
Gogog^o^..我愛 因為神先愛我靈里得力 再闖高鋒
|
||||||||
|
December, 2009 週記(相片後補)12 Dec 09 (Sat) 我為你歌唱-欣賞篇
今晚是尾二次小組 來了我家，彈琴，彈吉他 (好押韻) 每人唱一首歌送給一個欣賞的組員 有人好感動,有人感觸落淚,大家一齊和唱真的很好聽 差情尋的組員確實是每人都有少少成長，每個人都有我很欣賞的地方 今晚的屋企很溫暖喎~
13 Dec 09 (Sun) 衝破黑暗營終極篇
昨晚熱鬧完，今朝很sad,覺得要面對番自己的未解決的關係問題 早上無返崇拜,去了補習,之後返教會上浸後班,都是好無心机 但經過衝破黑暗營終極篇後,感覺好些 每一個組長在這里把自己最黑暗的過去現在分享出來, 一齊面對整合和醫治 無所不談,超出我們所想,確實不容易 有眼淚..但有好多好多好笑位.. 今年做組長最開心之一就是與他們一齊衝破黑暗營
14 Dec 09 (Mon) 單方面的cold war is Over
非常疲倦,睇錯日期,去錯地方返工 =.=! 忙不要緊,最怕帶佐不好心情忙 我還是未想通,很迷茫 晚上收到關鍵人物的電話 吃了個quick dinner，之後先去補習 當做無事發生一樣 雖然不是最好，但最緊要做得到 無晒唔舒服的感覺 可以專心忙^^
15 Dec 09 (Tue) 再見了差情尋組
今日我&同事angela去百佳買了3百几蚊零食 老細俾佐$500我地買嫁…想食咩就買咩..好爽啊..hohoho
最後一晚小組 也是在我家,和開始一樣,但人有些不同,有離開的也有新加入的 今晚是”我為你歌唱-提醒篇” 本來我都無咩特別感覺 但估唔到odell唱歌俾我聽(欣賞篇) 聽佢講過去我地一齊負面…..佢下年又要轉教會了..堆堆埋埋令我好感動 去到最後聽到好多組員的讚賞和提醒…這就是我的成績表! 最後我唱”奇蹟會降臨”送給大家 我感覺到聖靈真係會引導我帶組和祈禱 我自己好感動&幸好我有感動 熱鬧過後我一個人在家感到很SAD 如果我有時間,我一定會一邊寫日記一邊感觸落淚 但我不可以,趕住整送給姊妹結婚用的”愛的宣言” 花了3小時初部拼成了,好開心~
16 Dec 09 (Wed) Happy Xmas Gift
收到卓祺媽媽送的聖誕禮物 So surprised! 未收過咁靚既禮物-Juicy Couture Bracelet 卓祺媽媽真係好好人..又加我人工,又送咁貴重禮物俾我 ” I am happy that u like it. Time flies faster than what I want it to be. Thank you for staying with him.”ß So touching!! 她是一個很好很好的媽媽，很多可以學習的地方 這份補習，我收的一定比付出多!!!!!!!
第二晚趕工,完成”愛的宣言” 好靚啊~好滿足啊,不禁要讚下自己有DIY腦 December, 2009 谷爆11-Dec-2009
谷住谷住谷住 今晚忍唔住問了些問題，得到的答案令我嬲嬲地 又忍唔住將一些問題提出 但次次都是無回應 原因是:大家的意見不一樣,無咩好講就唔出聲 呢d係咩溝通? 一心諗住向對方坦白溝通,換來無聲的deadair 唔出聲即係點..次次都係咁..真係好難受啊…. 再講,女仔都係想人哄几句者! 電話、SMS、見面 一直都糾纏在呢D問題上 我真係覺得好攰好灰 我接受到都盡量接受 有時真係頂唔順 講出來又無回應 我唔知點算 我好驚 會越來越差 我會唔敢Send,唔敢打,唔敢約 我唔想咁啊.. 我好想喊,但又唔可以 因為明天返工唔可以腫著眼 我唔知點樣行落去 D咁難諗既角度我唔想去諗爆頭 D咁獨有既一套我唔識去配合 搞清楚我係一個女朋友唔係老婆 唔好咁高要求啦~~~~ 又谷又傷心又驚晚上…..
December, 2009 November15 November Ivan & Mandy wedding 男朋友的哥哥結婚了，第一次坐主家席，第一次見晒佢咁多親戚，真係好緊張！ 覺得自己係一個完全唔熟的外人，但又好似要被人當自己人咁對待，總之怪怪的 福建話大派用場，原來講方言好好玩，希望無咩失禮啦!
************************************************************************************************************************* 19 November - 情信 真係好老土，今晚我流著淚寫了一封情信給我即將出嫁的姊妹 我好感謝神，終於我把收了很久的憂結舒發了出來，打破我們之間某些隔膜 我翻開記念卌，那年她寫給我的信，非常感動感觸 我哭了很久，我想只有她才會令我這樣 我以為我不是那麼在乎，但原來她在我心中，成長的回憶中是那麼的重要! 逝去的光陰不復返，願永遠在心中，最重要是她找到幸福了!
************************************************************************************************************************** 27 November- Happy Firthday 小組終於北上了，講了成年，順便慶祝了蛋撻和ChrisMa生日，去了食小肥羊，用了一個大包做cake..haha~~ 之後去dum bone，170元 3小時過埋夜， cheap& good! 好relax的Friday^^
************************************************************************************************************************* 29 November 過大禮family dinner 一個月後表哥就結婚了，全家人期待已久，到時就可以四代同堂影全家幅，諗起都開心!!! 今日過大禮，去了酒樓食飯。可愛的細表妹，好識埋post影相呢~~
************************************************************************************************************************* 30 November – Happy Birthday 今晚好多謝一位組員又講了很多秘密給我知^^ 沒有帶電話 都可以在路上相遇 註定我要為他慶祝生日 (但是他請客，真開心) 今年真係好開心來了一個組員，我多了一個好朋友 希望來年在靈命上看見他繼續成長~~ October, 2009 有些事,不可再懶!29 Oct 2009
今早突然提起勁來
決定每天早上要靈修和看英文新聞
不可再偷懶了
面前有很多挑戰等著
唯有倚靠神才令我有信心走過
無論是拍拖,組長事奉,master
我都覺得好不容易
几經轉折，master已經註冊了
但現在經常出trip,一科都未報
全堆在下年，最令我擔心
組長事奉，要作出一個選擇
還在思索中
至於拍拖..
好似是最穩定但又最易有辛苦位..
正如牧者所講，我的盼望唯有從天父而來
我要keep住靈修和看英文新聞的習慣
加油!
October, 2009 BeiJing Again16-18 Oct 2009 今年第三次去北京 今次去做教育展 站了兩天，腳很累，口又講到好累 最開心是聯絡到中學同學-吳填先生 估不到我們在北京見，一口氣講了大家過去几年的事 在外地有朋友陪食飯真的很好很好 第一晚我們去一間彼高級的餐廳食川菜,食我最愛的水煮魚 第二晚去了食老北京地道菜 然後去做腳按摩，格調幾高的店，好嘆呢~~
October, 2009 回家很忙13 Oct 2009
今日同jenny食飯
希望好姊妹繼續為自己目標努力向前!
買了冷,決定織一條紅色頸巾俾自己~
好耐好耐無織啦,,好好玩
回家很忙,又要追劇,又要練琴和整旅行書
宜家又織頸巾,一織就好難停
唔捨得訓覺~~
15 Oct 2009
又去北京了
今次有備而去,借了NDS和帶了頸巾去織
應該唔會去夜街,都唔知去邊,希望約到中學同學食飯啦
原來我未來12日都見唔到My Dearest ..omg..
keep waiting no matter in HK or outside..Ai~~~
October, 2009 記念本子12-10-2009
這几天在家中
醉心於整英國和哈爾濱之旅的旅遊書
花了不少心机
很期待它的面世!
喜歡留在家中~~
PS:陳奕迅和容祖兒的國語碟不錯不錯
蔡旻佑的新碟有几首好好聽
始終都是國語歌好!
September, 2009 第一次送花~919捉迷藏佈道會19-Sep 2009 終於來到919的大日子 今日對我來說比今年任何一個日子都緊張 剛開始傾這個佈道會時真的很驚很驚很驚. 掛了一個統籌的名感覺超大壓力 由一片迷茫到有框架有內容 我真是深深感到聖靈的工作 非常之欣賞一群很有心很能幹的教友 很多次我都很軟弱,很想逃跑,是他們激勵了我 “捉迷藏”這個主題正正是我經歷神的總結 剛好使用了我的見證,又可以和好姊妹jenny唱《展開清晨的翅膀》 浸禮也沒有這麼多朋友來..18個呢 完全是超出我所求所想 看到就算我几無能力幾軟弱, 神就是會使用 第一次講見證 其實真係好唔想諗番過佐去既野 將自己既愛情經歷用DRAMA做出來,還要出來講真係好尷尬 估唔到我自己都講到有D想喊 更加估唔到台下既人竟然有人都聽到眼濕濕 希望大家都GET到我想講的是要榮耀神的大能 遊戲唱歌話劇見證分享..極度overrun到11點几 我真係好驚親人朋友們有什麼不好的感覺 叫太多人來真係好大壓力 很感動的是很多人都依然坐低分享 弟弟竟然沒有溜走,留到最後再同表兄分姊妹食糖水 這是神蹟! 不過都有些攻擊和遺憾 下午去中大同男朋友影畢業相 他在電話中我說身體不舒服,晚上的佈道會未必去到 那一刻我完全講不出聲 眼淚湧了上來 我真的受不起 我立即打給b仔,叫他們幫我們祈禱 影了相後他跟我們回去,但是因為家里煮了飯為他慶祝 他來了一會兒就回家去了 我沒有下午時那麼不開心,已經好過完全沒有來 只是感得很遺憾 每次我很想他在身邊的時候 總有些困難 很感慨呢 總結:919順利過度 哈利路亞 鬆一口氣啦!!開心^^
September, 2009 第二站上海15-17 Sep 2009 今早竟然8號風球,感恩這個風球不但沒有影響我出trip 還給我額外的時間休息 這几個星期一來要出trip,一來919佈道會逼近 星期六要返工,放工要返小組,星期日直情忙到lunch time也沒有. 出trip前的一晚總是很忙很多東西要安排, 好似好唔放心有咩做漏,明明好累也睡不著 但很感恩的是,在外地我就好多時間休息,什麼也不用想
9月15日,今天離開香港特別不捨得 因為今日是拍拖一周年 在去机場的巴士路途上,一個人想著想著都有點眼紅紅.. 好似好可惜咁,不能夠做些什麼來記念,連見一見也沒法子 男朋友對這些日子是沒有什麼感覺,我都估到的 不會期望我做些什麼,也不會對我做些什麼,我都習慣 只是感慨自己也是這樣,近得他多,我自己也變得越來越沒有情趣和心思! 一年就這樣過去..這日就這樣過去...完全估唔到會什麼都沒有.. 預祝和補祝也沒有..完全不是我想像的.. 本來想在上海寫封信給他,但見他這麼無所謂,我也沒有mood寫了. 我現在真的很明白為什麼神要我等3年 愛已生成根… 無論怎樣風吹雨打,一覺醒來 我又重新開始 愛好似比什麼都大,都堅持 如果沒有那几年, 這一年我… 深深感受神在中間 能夠擁有就已經好幸福了
第三次來上海 今次住在南京東路步行街中心.非常香港的地帶 這間酒店非常靚,很歐式,有四十多層,未試過住咁高的酒店.
不喜歡這個廁所設計,太open
第一晚同上司食:水煮魚米線.水煮魚真係好滑啊!!!
第二晚約了我組女MAY介紹的朋友,叫RONNIA,佢真係好好人,帶我去食北京菜 好開心,因為上海一個人真係好悶,識了Ronnia,以後去上海都可以找她^^
好少食肉既我.見到咁大鍋嚇親..但食落又好好味...唔會制....羊羯子..羊的背脊骨...好香好入味......
食完ronnia帶我去一條文人住過的街,eg魯迅..太夜,黑痳痳..
這是一間基督教教會,阿新的建築白天應該幾靚 上海之旅過得很快..每日見4個agents,我只係講過10min東西,總算工作順利! September, 2009 第一站北京8-10 Sep 2009 新學年開始 又到了出trip繁忙期 因為很多學生和家長已經開始為出國讀master準備 中國大陸几十億人口 隨著經濟發展 很多人都富庶起來 一孩政策 令到每一個小朋友成為全家之寶 他們的教育自然成為父母最大關注 所以在大陸 辦出國留學是一門大生意 大到上市 我們所探訪的留學中介公司規模大得遍佈全國二十多個主要城市 每一年都要去几次是因為要建立和保持關係 始終是中國 什麼也講關係 全世界的大學都看重中國市場 學生的選擇太多 我們只是代表大學的一個部門 但由於是全歐洲最大的部門 所以招生很積極 很多學生只是一味衝著商科去 忘記中國是靠工業建基 很多製造業都需要工程管理人才 而我們就是提供結合工程加商業管理的課程
年頭3月才去來過北京 所以今次去已經沒有什麼新鮮感 最開心是入住了王府井半島酒店 真的沒有想過自己可以住最高級的酒店 上司說因為坐港龍+住半島有promotion 平了很多 一到酒店門口,左是LV右是CHANNEL, 中間一個噴水池上面寫著THE PENISULA 感覺得很有氣派 大堂連接住所有名店,還有一層全部名牌的商場 從這里就知道半島的地位 單看裝修和房間 我又不覺得是最靚 始終都不是新酒店 不過廁所都有電視 我還是第一次見 真的感覺很好 早餐好多好多款..最開心是有鰻魚和西瓜汁..^^
雖說去工幹 但我三日都好似無工作過 只係跟住上司 佢講晒 4/5點就放工 最尾果日12點就收工 等到4點先去机場 勁多時間自己出去 但我已經去到無地方好去 所以好悶…為hea時間而逛… 好彩俾我食到北京填鴨和四川水煮魚 如果有朋友在北京就好了 今次發生了一件我意料不到的事..讓我在擔心和不安里度過 令我深深體會到:出trip最累人是失去聯絡!
September, 2009 開學禮5-Sep-2009 今日星期六特登返柴灣IVE,等佐成日就係為佐開學禮 我同ANGELLA都無野負責做,只係去企,見識下.... 真係非常學術性活動 個個都係有名衍的人 我地係超級SMALL POTATOES 我地既課程:MSc in Programme and Project Management WMG, The University of Warwick, UK 9 modures+9 min project + 1 big project 1 year , $110,000 下星期就開學啦..
我老細都有份上台嫁,勁!(最左果個)
呢個就係我老細,係度同阿太吹水,佢強況!
模型:專為我地大學項士課程而設的校舍@柴灣IVE
<-----呢個位係我宜家臨時Office
中間的長方型就是正在施工中的新buliding 呢度就係啦,圍晒版
September, 2009 7友3-Sep-2009今晚又約了7個姊妹好難得可以齊人發生了很突然的事希望不會影響大家!TST韓國街的韓燒好好食啊!!兩個待嫁新娘一個好忙好多野煩一個好閒無野攪原因是要飛去新加波之後才有野做今晚亦是同朱朱告別嫁去新加坡之後就msn contact了可能是因為12月會過去所以都不會有太多離別的感覺馬仔說我們已走入第14年頭手指計計原來真係搭入14年.快到........重點是7個性格和STYLE都不同這個組合真是有趣!做得成KEEP到CONTACT的朋友真要講緣份!與中學同學午餐4-Sep-2009
今日又去megabox看舖不是窗簾舖,而是賣皮盒和公仔燈的無電腦悶到不得了.睇野又眼訓@@中午約佐阿秋食飯,真開心她剛好轉過來這邊工作一個lunch完全不夠時間傾計放工後再和她去德福逛無買野都開心^^
晚上食完好好味的晚餐後再次一個人去游水感覺d氣進步了小小游完又食野咁就一晚~
September, 2009 要開始保養啦~2-Sep-2009(wed)
醫師話齋 樣樣野都要亙相配合先有果效早睡早起 唔好食過多濃味野 最緊要配合埋運動行路都可以 但要1小時為了要精神好 體力好 心情好我決心要養成早睡和做運動的習慣好有決心嫁..今次真係!!!!!!!!!!!!!!!!!!!!!!!
|
|||||||
傳送私人訊息
告訴朋友
新增至 Live.com
新增至您的朋友網路
註冊通知|
|
